Тошкент вилоятидаги Келес йўли кўчасининг бир қисми айни пайтда олиб борилаётган қурилиш-таъмирлаш ишлари муносабати билан транспорт ҳаракати учун ёпилди.
ЙҲХББ матбуот хизматининг хабар беришича, Келес йўли кўчасининг Тошкент туманига кириш қисмидан «Ҳасанбой ота» жоме масжидигача бўлган қисми таъмирлаш ишлари якунлангунга қадар транспорт воситалари ҳаракати учун ёпилади.
Шу сабабли ҳайдовчиларга бошқа айланма йўллар орқали ҳаракатланиш тавсия этилган.
Жумладан, ҳайдовчилар вақтинчалик туманнинг Ҳасанбой қишлоғи ҳудудидан ўтган 4Н-699 Келес шаҳри—Ҳасанбой қўрғони ҳамда собиқ М.Фозилов жамоа хўжалиги ҳудудидан ўтган 4Р-4 Тошкент шаҳри— Келес шаҳри—Қозоқкенцой қўрғони автомобиль йўлининг 3–14-километрлари орқали ҳаракатланиб ўтишлари мумкин.
Шунингдек, қўшимча қилинишича, мазкур қурилиш ишларининг биринчи босқичи якунлангандан сўнг Келес шаҳарчасидаги темир йўл изи устидан ўтган йўл ўтказгични (кўприк) таъмирлаш ишлари олиб борилади.
Шу сабабли 4Р4а 4Р4 автойўлидан Сариёғоч шаҳрига шаҳобча автомобиль йўлининг 0–1-километрлари (кўприк) оралиқлари ёпилиши режалаштирилган.
Эслатиб ўтамиз, 2021 йил 14 июлда ҳам Келес йўли кўчасининг Тошкент туманига кириш қисмидан «Ҳасанбой ота» жоме масжидигача бўлган қисмида таъмирлаш ишлари ўтказилган ва йўл транспорт ҳаракати учун ёпилганди.
Изоҳ (0)