Happy Sad Confused подкастида Дэниэл Рэдклиффдан Гарри Поттер ҳақида фильмларнинг қайта ишланган версиясида кимни ўйнаган бўлиши мумкинлиги ҳақида сўралди, деб хабар беради Esquire.
Рэдклифф ўйланиб ўтирмасдан биринчи бор «Гарри Поттер ва Азкабан маҳбуси» фильмида пайдо бўлган Сириус Блек ёки Римус Люпин ролини ижро этган бўлишини айтган. Оригинал фильмда Сириус Блек — Гаррининг чўқинтирган отаси ролини Гери Олдмен, қора сеҳрдан ҳимояланиш фани ўқитувчиси ролини эса Дэвид Тюлис ижро этган.
«Мен доим Сириус ва Римусга қойил қолганман. Ушбу персонажлар билан биргаликда ўйнаган саҳналаримизни объектив баҳолай олмаймиз. Гери ва Дэвид билан суратга олиш ишларимизни ҳамон ҳаётимдаги энг яхши онлар сифатида биламан», — дейди Рэдклифф.
2021 йилнинг январида Warner Bros. компанияси HBO Max учун «Гарри Поттер» олами ҳақида сериал ишлашига оид маълумотлар тарқалди, аммо ҳозирга қадар ушбу хабар янгиланмади. «Гарри Поттер» — Warner Bros. студиясининг энг қадрли франшизаси ҳисобланади. Жоан Роулинг қаламига мансуб 7 та китоб асосида суратга олинган фильмлар бутун дунё прокатида 7 миллиард доллардан ортиқ маблағ тўплаган.
Изоҳ (0)