Фаҳрие Эвжен кинога қайтди, «Зулейҳа» сериали юлдузи янги сериалда суратга тушади. Турк киноси янгиликлари

Турк киносаноатидаги энг сўнгги янгиликларни эътиборингизга ҳавола этамиз.

«Сўнгги ёз» сериалида бош қаҳрамонлардан бири — Жонон ролини гавдалантирган актриса Фунда Эрйигит суратга олиш жамоасини тарк этди. Айни вақтда Бирже Акалай билан унинг лойиҳадаги иштироки юзасидан музокаралар олиб борилмоқда.

Энгин Алтан Дезятан ва Улаш Туна Астепе суратга тушаётган «Барбаросса» сериали 2021 йилнинг сентябрида эфирга узатилиши режалаштирилмоқда. Миш-мишларга кўра, бу Туркия тарихидаги энг қиммат бюджетга эга сериал бўлади.

Маълум қилинишича, «Алп Арслон» сериали» «Уйғониш: Буюк Салжуқий»га приквел (воқеалари аввалроқ суратга олинган кино ёки сериалдаги воқеалардан олдин содир бўлган) бўлади. Унда бош қаҳрамонлар ролини «Ижарага севги» юлдузи Бариш Ардуч ва «Чолиқуши»дан кейин машҳурликка эришган актриса, Бурак Ўзчивитнинг рафиқаси Фаҳрие Эвжен ижро қилади.

«Зулейҳа»да рол ўйнаган Угур Гунеш ҳамда «Эртуғрул: Тирилиш» ва «Рамо» сингари лойиҳалар юлдузи Эсра Билгич «Қонунсиз ерлар» номли сериалда суратга тушади.