Самарқандда талабанинг Қирғизистондаги ўқишини пул эвазига Самарқанд давлат университетига кўчиртириб бермоқчи бўлган шахс ушланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум бўлшича, фуқаро Р.Й. бошқа бир фуқаро М.га ўзини Миллий гвардия ходими деб таништириб, унинг Қирғизистоннинг Жалолобод шаҳрида жойлашган Заманбап Эл аралик университетидаги ўқишини Самарқанд давлат университетига кўчириб беришни ваъда қилган.
Эвазига 3500 долларни фирибгарлик йўли билан олган вақтида Департаментнинг Самарқанд вилояти бошқармаси томонидан ДХХ ва Миллий гвардия ходимлари билан ҳамкорликда ўтказилган тезкор тадбирда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, прокуратурага юборилган.
Бундан аввал талабанинг Қозоғистондаги ўқишини Самарқанд тиббиёт институтига кўчириб бериш эвазига 5 минг доллар олган шахс Тошкентда ушланганди.
Мавзуга доир:
Изоҳ (0)