Samarqandda talabaning Qirg‘izistondagi o‘qishini pul evaziga Samarqand davlat universitetiga ko‘chirtirib bermoqchi bo‘lgan shaxs ushlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.
Ma’lum bo‘lshicha, fuqaro R.Y. boshqa bir fuqaro M.ga o‘zini Milliy gvardiya xodimi deb tanishtirib, uning Qirg‘izistonning Jalolobod shahrida joylashgan Zamanbap El aralik universitetidagi o‘qishini Samarqand davlat universitetiga ko‘chirib berishni va’da qilgan.
Evaziga 3500 dollarni firibgarlik yo‘li bilan olgan vaqtida Departamentning Samarqand viloyati boshqarmasi tomonidan DXX va Milliy gvardiya xodimlari bilan hamkorlikda o‘tkazilgan tezkor tadbirda ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, prokuraturaga yuborilgan.
Bundan avval talabaning Qozog‘istondagi o‘qishini Samarqand tibbiyot institutiga ko‘chirib berish evaziga 5 ming dollar olgan shaxs Toshkentda ushlangandi.
Mavzuga doir:
- Toshkentda 7 ming dollar evaziga Qirg‘iziston oliygohiga o‘qishga kiritib, Toshkent tibbiyot akademiyasiga “perevod” qilib berishni va’da qilgan shaxs ushlandi
- Namanganda xorij universitetiga o‘qishga kiritish va keyinroq NamDUga “perevod” qilib berish evaziga 2000 dollar so‘ragan doktorant qo‘lga tushdi
Izoh (0)