Ижтимоий тармоқда тарқалган «Карантин қоидаларини бажаришга мажбур бўлмаган ЙПХ ходими» ҳамда «Жиззахда ЙПХ ходимларига қонун ўқитилганми?» сарлавҳаси остида тарқалган видеолар юзасидан маълумот берилди.
Қайд этилишича, 2021 йилнинг 31 июль куни Жиззах вилояти ИИБ ЙҲХБ ЙПХ ходими А.Норқулов томонидан Жиззах шаҳар, Шароф Рашидов шоҳкўчасида 1.1 йўл ётиқ чизиғини босиб ҳаракатлангани учун Spark русумли автомобиль ҳайдовчиси тўхтатилган.
Ҳайдовчига нисбатан қоидабузарлиги юзасидан қоғоз шаклидаги баённома ва ҳайдовчи баённомага имзо қўйишдан бош тортганлиги сабаб далолатнома расмийлаштирилган.
Ўзаро мулоқот жараёнида ҳайдовчи томонидан ЙПХ ходими тиббий ниқобини тўлиқ тақмаганлиги ва расмийлаштирилган баённомадан нусха олишга рухсат бермаганига эътироз билдирилган.
Ҳозирда ҳолат юзасидан Жиззах вилояти ИИБ ЙҲХБ томонидан хизмат текшируви ўтказилмоқда.
Бундан аввал Тошкентда ҳайдовчини ҳақорат қилган ЙПХ ходимига нисбатан хизмат текшируви тайинлангани, Олмалиқда ЙПХ ходими «25 марта радарга тўлаган» қоидабузар аёлни «Абдураззоқ ака»дан бўлган қўнғироқ сабаб қўйиб юборгани ҳамда Сирдарёда ЙПХ ходимининг «встречний» юргани тасвирланган видеони тарқатган ҳайдовчи қамоққа олингани ҳақида хабар берилганди.
Изоҳ (0)