Финляндиядаги «Lordi» хард-рок гуруҳи етакчиси Жаноб Лорди (Томи Путаансуу) коронавирусга қарши вакцинацияга ўзининг тўлиқ жамланмасида ташриф буюрди, деб ёзади Meduza.
2006 йилда «Евровидение»даги ғалабаси сабаб машҳурликка эришган қўшиқчи эмланишга махлуқ костюмида келган.
«Умуман олганда, бунинг ҳайратланарли жойи йўқ: гуруҳ иштирокчилари ҳатто балиқ овига ҳам шу каби кўринишда боради», — дейилади хабарда.
Хард-рок, глем-метал, хеви-метал, шок-рок йўналишларида қўшиқ куйловчи «Lordi» гуруҳига 1992 йилда асос солинган. Гуруҳ турли махлуқлар кўринишидаги ниқоб ва костюмларда чиқиш қилиши билан танилган.
Изоҳ (0)