Яқинда Нью-Йоркдаги кўчмас мулк сотиладиган сайтлардан бирида янги реклама пайдо бўлди, бу бир зумда жамоатчилик эътиборини тортди. Шундай қилиб Манхэттен марказидаги уй эгалари осмонўпар бинода жойлашган уй учун 169 миллион доллар сўрамоқда.
Квартира 760 квадрат метр бўлиб, оқ ва тўқ сариқ услубда безатилган олтита хонадан иборат. Уларнинг ҳар бирида ҳожатхона мавжуд бўлиб, битта умумийси билан еттитани ташкил этади.
Уйнинг ички қисмида қимматбаҳо мебель, расм, шинам камин ва деразадан ажойиб манзарани кўриш мумкин.
Агар харидорда 169 миллион доллар бўлмаса, хоналардан бирини ҳожатхонаси билан сотиб олиш имконияти мавжуд. Шунда ҳар бир хона нархи 28 миллион долларга тўғри келади. Шундай қилиб квартиранинг квадрат метри, тахминан, 220 минг долларга баҳоланган.
Аслида ушбу мулк белгиланган нархга арзийдими ёки йўқми – баҳсли нуқта. Айниқса, осмонўпар бино аҳолиси тез-тез синган лифтлар, сув оқиши ва деярли картон деворлари ҳақида шикоят қилишини ҳисобга олиш зарур.
Шунингдек, ушбу уйни сотиб олишга рози бўлганлар тегишли солиқни тўлаши керак, яъни 15 минг доллар. Бундан ташқари, ҳар ой уйни капитал таъмирлаш учун 24 минг доллар, ҳар йилги харажатлар 500 минг долларга етади.
Изоҳ (0)