Ўзбекистонда 5 август кунидан бошлаб олийгоҳларга кириш учун имтиҳонлар бошланади. ИИВ ЙҲХББ ахборот хизматининг маълум қилишича, ҳудудларда имтиҳон ўтказиладиган жойларга келиш ва кетишда йўл ҳаракати қатнашчиларининг хавфсизлигини таъминлаш мақсадида маълум кўчаларда транспорт воситалари ҳаракати чекланади.

Фото: «Дарё» / Мадина Нурман

12 кун давом этадиган ОТМларга кириш имтиҳонлари 2 босқичда 35 та объектнинг 53 та жойида ўтказилади. 2021 йилда республика олий таълим муассасаларига жами 947 мингдан ортиқ абитуриент ҳужжат топширган.

Имтиҳонлар даврида жамоат тартибини сақлаш учун 1998 нафар Ички ишлар органлари, 1675 Миллий гвардия, 295 нафар ёнғин хавфсизлиги хизмати ходимлари жалб этилади. Ходимлар фойдаланиши учун 242 та автотранспорт, 1432 та алоқа воситаси ва 60 бош хизмат итлари ажратилади.

Тест синовларини ўтказиш жойлари ва ушбу ҳудудларга олиб борувчи автомобиль йўлларининг 45 та кўчаси тўлиқ ёпилиши режалаштирилган. Йўлларда ҳаракат хавфсизлигини таъминлаш ва тирбандликнинг олдини олиш мақсадида 248 нафар ЙПХ инспектори ва 168 та автопатруль наряди жалб этилади.

Имтиҳон топшириш ҳудудлари атрофида вақтинча транспортлар ҳаракати чекланадиган кўчалар:

Қорақалпоғистон Республикаси, Нукус шаҳридаги «Турон» ўйингоҳи атрофи

Нукус шаҳри, Ҳурлиман қиз бахши кўчаси

Нукус шаҳрида «Республика ўйин турлари ва енгил атлетика бўйича ихтисослаштирилган болалар ва ўсмирлар спорт мактаби» теннис корти атрофи

Нукус шаҳри, Аллаёр Дўсназаров кўчаси

Хоразм вилояти, Урганч шаҳрида «Хоразм» спорт мажмуаси атрофи

Урганч шаҳар, Паҳлавон Маҳмуд кўчаси

Урганч шаҳрида «Ёшлик» спорт мажмуаси атрофи

Урганч шаҳар, Ёшлик кўчаси

Сурхондарё вилояти, Термиз шаҳридаги «Алпомиш» ўйингоҳи атрофи

Термиз шаҳар, Истиқлол ва Алишер Навоий кўчалари

Денов туманидаги «Тадбиркорлик ва педагогика университети» ўйингоҳи атрофи

Денов тумани, Шароф Рашидов кўчаси

Қашқадарё вилояти, Қарши шаҳридаги «Насаф» футбол клуби машғулотлар майдони атрофи

Қарши шаҳар, Мустақиллик ва Алишер Навоий кўчалари

Бухоро вилояти, Бухоро шаҳридаги «Бухоро» спорт мажмуаси атрофи

И.Мўминов кўчасининг Ҳамза кўчаси билан кесишган қисмидан Навоий шоҳ кўчаси билан кесишган қисмигача, Ҳамза кўчасининг Ҳофиз Таниш Бухорий кўчаси билан кесишган қисмидан И.Мўминов кўчаси билан кесишган қисмигача

Бухоро шаҳридаги «Умид» футбол ўйингоҳи атрофи

М.Иқбол кўчасининг И.Каримов кўчаси билан кесишган қисмидан Зулфия кўчаси билан кесишган қисмигача

Бухоро шаҳридаги «Дилкушо» теннис стадиони атрофи

И.Каримов кўчасининг Вобкент кўчаси билан кесишган қисмидан Ибн Сино кўчаси билан кесишган қисмигача

Навоий вилояти, Навоий шаҳридаги «Кимёгар» ўйингоҳи атрофи

Навоий шаҳар, Меъморлар кўчаси қисман, яъни бир томонлама

Навоий шаҳридаги «Сўғдиёна» ўйингоҳи атрофи

Навоий шаҳар, Зарапетян кўчаси тўлиқ

Самарқанд вилояти, Самарқанд шаҳридаги «Локомотив» футбол ўйингоҳи атрофи

Самарқанд шаҳар, Ислоҳот кўчаси

Самарқанд шаҳридаги «2-сон болалар ва ўсмирлар спорт мактаби» ўйингоҳи атрофи

Самарқанд шаҳар, Туркистон кўчаси

Самарқанд шаҳридаги «Нурафшон» футбол ўйингоҳи атрофи

Самарқанд шаҳар, Умид кўчаси

Самарқанд туманидаги «Болалар ва ўсмирлар спорт мактаби» ўйингоҳи атрофи

Самарқанд тумани, «Рустам» МФЙ, Рустам қишлоғи

Жомбой туманидаги «Болалар ва ўсмирлар спорт мактаби» ўйингоҳи атрофи

4К512 Ўртабўз—Жомбой—Галакапа автомобиль йўлининг 1-2 километрлари оралиғида йўлнинг бир томонида

Жиззах вилояти, Жиззах шаҳридаги «Сўғдиёна» марказий ўйингоҳи атрофи

Жиззах шаҳар, Алишер Навоий кўчаси

Сирдарё вилояти, Гулистон шаҳридаги «Гулистон» марказий ўйингоҳи атрофи

Гулистон шаҳар, Алишер Навоий, Сайхун, Жамбул, Навбаҳор, Бўстон, Гулшан, Тинчлик кўчалари

Наманган вилояти, Наманган шаҳридаги «Навбаҳор-Умид» ўйингоҳи атрофи

Ислом Каримов ва Қуқумбой шоҳ кўчадан олиб кирувчи йўл

Наманган шаҳридаги Ички ишлар вазирлиги тасарруфидаги «Динамо» ўйингоҳи атрофи

Наманган шаҳар, Ғирвонсой кўчаси

Тўрақўрғон туманидаги «Ёшлик» ўйингоҳи атрофи

Тўрақўрғон тумани, Истиқлол кўчаси

Андижон вилояти, Андижон шаҳридаги «Спортнинг ўйин турлари ва енгил атлетикага ихтисослаштирилган болалар-ўсмирлар спорт мактаби»нинг асосий ўйингоҳи атрофи

Андижон шаҳар, Лермонтов, Машраб ва Сариқ уй кўчалари

Фарғона вилояти, Фарғона шаҳридаги Фарғона давлат университетининг ўйингоҳи атрофи

Фарғона шаҳар, Ал-Фарғоний, Мураббийлар ва Бобур кўчалари

Фарғона шаҳридаги «Нефтчи» ўйингоҳи атрофи

Фарғона шаҳар, Марғилон кўчаси

Марғилон шаҳридаги «2-сон болалар ва ўсмирлар спорт мактаби» ўйингоҳи атрофи

Марғилон шаҳридаги «2-сон болалар ва ўсмирлар спорт мактаби»га олиб кирувчи кўчалар

Сўх туманидаги «1-сонли мактаб» ўйингоҳи атрофи

Сўх туманидаги «1-сонли мактаб»га олиб кирувчи ички кўчалар

Аввалроқ Давлат тест маркази Ўзбекистонда ОТМларга кириш имтиҳонлари ўтказиладиган стадион ва хиёбонлар рўйхатини эълон қилганди.