Фарғонада 11 ёшли бола амакиси томонидан икки йил давомида зўрлаб келингани тўғрисида хабар берилганди. Бош прокуратура матбуот котиби Ҳаёт Шамсутдиновнинг маълум қилишича, хабарда кўрсатилган ҳолат ҳақида муқаддам ҳуқуқни муҳофаза қилувчи ораганларга мурожаат келиб тушмаган.
«Шу сабабли 2021-нинг 2 август кунидан Қува тумани ИИБ томонидан терговга қадар текширув ўтказилиши бошланган. Текшириш устидан Фарғона вилояти прокуратураси томонидан назорат ўрнатилган», — дейилади хабарда.
Жабрланувчининг онасини блогер Ақида Ханумга берган интервьюсида аёл ўғлини 7 ёшида қайнакасига фарзандликка берганини айтган. Маълум бўлишича, шифокор, маҳалла профилактика инспектори ва бошқаларнинг гапларига қарамай, боланинг онаси, буваси андиша сабабли 48 ёшли амакига қарши иш очишни рад қилган.
Изоҳ (0)