12-iyulgacha abituriyentlar tomonidan eng ko‘p hujjat Toshkent davlat pedagogika universitetiga topshirilgan. Bu haqda Davlat test markazi xabar qildi.

Foto: “Daryo”

DTM 2021/2022-o‘quv yili uchun ro‘yxatdan o‘tgan abituriyentlar soni haqida ma’lumot berdi.

Unga ko‘ra, jami ro‘yxatdan o‘tgan abituriyentlar soni 277 528 nafarni tashkil etmoqda.

Ta’lim shakli bo‘yicha:

  • kunduzgi ta’lim shakli — 167 395 nafar;
  • sirtqi ta’lim shakli — 102 646 nafar;
  • kechki ta’lim shakli — 7487 nafar.

Tillar kesimida:

  • o‘zbek tili — 235 265 nafar;
  • rus tili — 34 529 nafar;
  • qoraqalpoq tili — 6432 nafar;
  • boshqa tillar — 1302 nafar.

Abituriyentlar tomonidan eng ko‘p tanlanayotgan OTMlar:

  • Toshkent davlat pedagogika universiteti — 9790 nafar;
  • O‘zbekiston milliy universiteti — 9580 nafar;
  • Namangan davlat universiteti — 8926 nafar;
  • Jizzax davlat pedagogika instituti — 8625 nafar;
  • Urganch davlat universiteti — 8068 nafar.

Bundan avval O‘zbekistonda OTMga kirishda eng yuqori ball to‘plagan 200 nafar abituriyent uchun Prezident granti joriy etilgani, O‘zbekiston OTMlari uchun qabul kvotalar to‘liq tasdiqlanib, endi DTM saytida yo‘nalishlarni tanlash mumkinligi hamda Davlat test markazi kirish imtihonlarini o‘tkazishdagi yangiliklar haqida ma’lumot bergani haqida xabar qilingandi.