Oliy va o‘rta maxsus ta’lim vazirligi akademik litseylarga kirish imtihonlari sanasini ma’lum qildi.
Foto: “Daryo” / Madina Nurman
Kirish imtihonlari 26—28-avgust kunlari Davlat test markazi tomonidan maxsus pavilyonlarda o‘tkaziladi. Kirish imtihonlari zaruriyatga ko‘ra ikki smenada o‘tkazilishi mumkin.
Xabarda aytilishicha, O‘zbekistonda koronavirus pandemiyasi bilan bog‘liq epidemiologik vaziyatdan kelib chiqib, mazkur kirish imtihonlari bilan bog‘liq o‘zgarishlar bo‘lganda, vazirlikning rasmiy veb-sayti edu.uz hamda @eduuz rasmiy Telegram-kanali orqali qo‘shimcha ma’lumot e’lon qilinadi.
Eslatib o‘tamiz, avvalroq Oliy va o‘rta maxsus ta’lim vazirligi akademik litseylarda dastlabki saralash hamda asosiy imtihonlar avgustdan sentabr oyiga qoldirilganini ma’lum qilgandi. Nima uchun imtihonlarni avgust oyi oxirlarida o‘tkazishga qaror qilinganiga vazirlik aniqlik kiritmagan.
