Ўзбекистонда 5 август кунидан бошлаб олийгоҳларга кириш учун имтиҳонлар бошланади. ИИВ ЙҲХББ ахборот хизматининг маълум қилишича, ҳудудларда имтиҳон ўтказиладиган жойларга келиш ва кетишда йўл ҳаракати қатнашчиларининг хавфсизлигини таъминлаш мақсадида маълум кўчаларда транспорт воситалари ҳаракати чекланади.
12 кун давом этадиган ОТМларга кириш имтиҳонлари 2 босқичда 35 та объектнинг 53 та жойида ўтказилади. 2021 йилда республика олий таълим муассасаларига жами 947 мингдан ортиқ абитуриент ҳужжат топширган.
Имтиҳонлар даврида жамоат тартибини сақлаш учун 1998 нафар Ички ишлар органлари, 1675 Миллий гвардия, 295 нафар ёнғин хавфсизлиги хизмати ходимлари жалб этилади. Ходимлар фойдаланиши учун 242 та автотранспорт, 1432 та алоқа воситаси ва 60 бош хизмат итлари ажратилади.
Тест синовларини ўтказиш жойлари ва ушбу ҳудудларга олиб борувчи автомобиль йўлларининг 45 та кўчаси тўлиқ ёпилиши режалаштирилган. Йўлларда ҳаракат хавфсизлигини таъминлаш ва тирбандликнинг олдини олиш мақсадида 248 нафар ЙПХ инспектори ва 168 та автопатруль наряди жалб этилади.
Имтиҳон топшириш ҳудудлари атрофида вақтинча транспортлар ҳаракати чекланадиган кўчалар:
Қорақалпоғистон Республикаси, Нукус шаҳридаги «Турон» ўйингоҳи атрофи
Нукус шаҳрида «Республика ўйин турлари ва енгил атлетика бўйича ихтисослаштирилган болалар ва ўсмирлар спорт мактаби» теннис корти атрофи
Хоразм вилояти, Урганч шаҳрида «Хоразм» спорт мажмуаси атрофи
Урганч шаҳрида «Ёшлик» спорт мажмуаси атрофи
Сурхондарё вилояти, Термиз шаҳридаги «Алпомиш» ўйингоҳи атрофи
Денов туманидаги «Тадбиркорлик ва педагогика университети» ўйингоҳи атрофи
Қашқадарё вилояти, Қарши шаҳридаги «Насаф» футбол клуби машғулотлар майдони атрофи
Бухоро вилояти, Бухоро шаҳридаги «Бухоро» спорт мажмуаси атрофи
Бухоро шаҳридаги «Умид» футбол ўйингоҳи атрофи
Бухоро шаҳридаги «Дилкушо» теннис стадиони атрофи
Навоий вилояти, Навоий шаҳридаги «Кимёгар» ўйингоҳи атрофи
Навоий шаҳридаги «Сўғдиёна» ўйингоҳи атрофи
Самарқанд вилояти, Самарқанд шаҳридаги «Локомотив» футбол ўйингоҳи атрофи
Самарқанд шаҳридаги «2-сон болалар ва ўсмирлар спорт мактаби» ўйингоҳи атрофи
Самарқанд шаҳридаги «Нурафшон» футбол ўйингоҳи атрофи
Самарқанд туманидаги «Болалар ва ўсмирлар спорт мактаби» ўйингоҳи атрофи
Жомбой туманидаги «Болалар ва ўсмирлар спорт мактаби» ўйингоҳи атрофи
Жиззах вилояти, Жиззах шаҳридаги «Сўғдиёна» марказий ўйингоҳи атрофи
Сирдарё вилояти, Гулистон шаҳридаги «Гулистон» марказий ўйингоҳи атрофи
Наманган вилояти, Наманган шаҳридаги «Навбаҳор-Умид» ўйингоҳи атрофи
Наманган шаҳридаги Ички ишлар вазирлиги тасарруфидаги «Динамо» ўйингоҳи атрофи
Тўрақўрғон туманидаги «Ёшлик» ўйингоҳи атрофи
Андижон вилояти, Андижон шаҳридаги «Спортнинг ўйин турлари ва енгил атлетикага ихтисослаштирилган болалар-ўсмирлар спорт мактаби»нинг асосий ўйингоҳи атрофи
Фарғона вилояти, Фарғона шаҳридаги Фарғона давлат университетининг ўйингоҳи атрофи
Фарғона шаҳридаги «Нефтчи» ўйингоҳи атрофи
Марғилон шаҳридаги «2-сон болалар ва ўсмирлар спорт мактаби» ўйингоҳи атрофи
Сўх туманидаги «1-сонли мактаб» ўйингоҳи атрофи
Аввалроқ Давлат тест маркази Ўзбекистонда ОТМларга кириш имтиҳонлари ўтказиладиган стадион ва хиёбонлар рўйхатини эълон қилганди.
Изоҳ (0)