O‘zbekistonda 5-avgust kunidan boshlab oliygohlarga kirish uchun imtihonlar boshlanadi. IIV YHXBB axborot xizmatining ma’lum qilishicha, hududlarda imtihon o‘tkaziladigan joylarga kelish va ketishda yo‘l harakati qatnashchilarining xavfsizligini ta’minlash maqsadida ma’lum ko‘chalarda transport vositalari harakati cheklanadi.
12 kun davom etadigan OTMlarga kirish imtihonlari 2 bosqichda 35 ta obyektning 53 ta joyida o‘tkaziladi. 2021-yilda respublika oliy ta’lim muassasalariga jami 947 mingdan ortiq abituriyent hujjat topshirgan.
Imtihonlar davrida jamoat tartibini saqlash uchun 1998 nafar Ichki ishlar organlari, 1675 Milliy gvardiya, 295 nafar yong‘in xavfsizligi xizmati xodimlari jalb etiladi. Xodimlar foydalanishi uchun 242 ta avtotransport, 1432 ta aloqa vositasi va 60 bosh xizmat itlari ajratiladi.
Test sinovlarini o‘tkazish joylari va ushbu hududlarga olib boruvchi avtomobil yo‘llarining 45 ta ko‘chasi to‘liq yopilishi rejalashtirilgan. Yo‘llarda harakat xavfsizligini ta’minlash va tirbandlikning oldini olish maqsadida 248 nafar YPX inspektori va 168 ta avtopatrul naryadi jalb etiladi.
Imtihon topshirish hududlari atrofida vaqtincha transportlar harakati cheklanadigan ko‘chalar:
Qoraqalpog‘iston Respublikasi, Nukus shahridagi “Turon” o‘yingohi atrofi
Nukus shahrida “Respublika o‘yin turlari va yengil atletika bo‘yicha ixtisoslashtirilgan bolalar va o‘smirlar sport maktabi” tennis korti atrofi
Xorazm viloyati, Urganch shahrida “Xorazm” sport majmuasi atrofi
Urganch shahrida “Yoshlik” sport majmuasi atrofi
Surxondaryo viloyati, Termiz shahridagi “Alpomish” o‘yingohi atrofi
Denov tumanidagi “Tadbirkorlik va pedagogika universiteti” o‘yingohi atrofi
Qashqadaryo viloyati, Qarshi shahridagi “Nasaf” futbol klubi mashg‘ulotlar maydoni atrofi
Buxoro viloyati, Buxoro shahridagi “Buxoro” sport majmuasi atrofi
Buxoro shahridagi “Umid” futbol o‘yingohi atrofi
Buxoro shahridagi “Dilkusho” tennis stadioni atrofi
Navoiy viloyati, Navoiy shahridagi “Kimyogar” o‘yingohi atrofi
Navoiy shahridagi “So‘g‘diyona” o‘yingohi atrofi
Samarqand viloyati, Samarqand shahridagi “Lokomotiv” futbol o‘yingohi atrofi
Samarqand shahridagi “2-son bolalar va o‘smirlar sport maktabi” o‘yingohi atrofi
Samarqand shahridagi “Nurafshon” futbol o‘yingohi atrofi
Samarqand tumanidagi “Bolalar va o‘smirlar sport maktabi” o‘yingohi atrofi
Jomboy tumanidagi “Bolalar va o‘smirlar sport maktabi” o‘yingohi atrofi
Jizzax viloyati, Jizzax shahridagi “So‘g‘diyona” markaziy o‘yingohi atrofi
Sirdaryo viloyati, Guliston shahridagi “Guliston” markaziy o‘yingohi atrofi
Namangan viloyati, Namangan shahridagi “Navbahor-Umid” o‘yingohi atrofi
Namangan shahridagi Ichki ishlar vazirligi tasarrufidagi “Dinamo” o‘yingohi atrofi
To‘raqo‘rg‘on tumanidagi “Yoshlik” o‘yingohi atrofi
Andijon viloyati, Andijon shahridagi “Sportning o‘yin turlari va yengil atletikaga ixtisoslashtirilgan bolalar-o‘smirlar sport maktabi”ning asosiy o‘yingohi atrofi
Farg‘ona viloyati, Farg‘ona shahridagi Farg‘ona davlat universitetining o‘yingohi atrofi
Farg‘ona shahridagi “Neftchi” o‘yingohi atrofi
Marg‘ilon shahridagi “2-son bolalar va o‘smirlar sport maktabi” o‘yingohi atrofi
So‘x tumanidagi “1-sonli maktab” o‘yingohi atrofi
Avvalroq Davlat test markazi O‘zbekistonda OTMlarga kirish imtihonlari o‘tkaziladigan stadion va xiyobonlar ro‘yxatini e’lon qilgandi.
Izoh (0)