Ўзбекистонда 3 август куни 923 кишида коронавирус қайд этилди. Соғлиқни сақлаш вазирлиги ахборотига кўра, мамлакатда пандемия бошидан бери коронавирусга чалингани расман тасдиқланганлар сони 132 901 нафарга етган.
Янги касалланиш ҳолатларининг
- 95 нафари Қорақалпоғистон Республикасида,
- 41 нафари Андижон вилоятида,
- 19 нафари Бухоро вилоятида,
- 99 нафари Жиззах вилоятида,
- 19 нафари Қашқадарё вилоятида,
- 15 нафари Навоий вилоятида,
- 39 нафари Наманган вилоятида,
- 95 нафари Самарқанд вилоятида,
- 23 нафари Сирдарё вилоятида,
- 105 нафари Сурхондарё вилоятида,
- 91 нафари Фарғона вилоятида,
- 47 нафари Хоразм вилоятида,
- 108 нафари Тошкент вилоятида,
- 127 нафари Тошкент шаҳрида
Шунингдек, 3 августда кун давомида Қорақалпоғистонда 63 нафар, Бухорода 25 нафар, Жиззахда 120 нафар, Қашқадарёда 22 нафар, Навоийда 10 нафар, Наманганда 20 нафар, Самарқандда 69 нафар, Сирдарёда 32 нафар, Сурхондарёда 111 нафар, Фарғонада 88 нафар, Тошкент вилоятида 74 нафар, Тошкент шаҳрида 113 нафар бемор — мамлакат бўйича жами 805 нафар бемор тузалиб, жами соғайганлар сони 126 377 нафарга (касалликка чалингани расман қайд этилганларнинг 95 фоизи) етди.
Шунингдек, 8 нафар коронавирусга чалинган бемор вафот этиб, касалликдан вафот этганлар сони 901 нафарни ташкил қилмоқда.
Бундан ташқари, кеча кун давомида 542 кишида пневмония тасдиқланган бўлиб, жами беморлар сони 12 425 нафарга етган. 3 август куни уларнинг 441 нафари соғайиб, умумий соғайганлар сони 5018 нафарни ташкил қилмоқда. Тўрт нафар бемор вафот этиб, шу кунгача пневмониядан вафот этганлар сони 83 нафарга етди.
Таъкидлаш керакки, кетма-кет уч кундан буён мамлакатда кунлик касалланиш ҳолати 900 кишидан ошмаётган эди. Хусусан, 31 июль куни 889 кишида, 1 август куни 863 кишида, 2 август куни эса яна 899 кишида коронавирус тасдиқланган эди.
Эслатиб ўтамиз, 30 июль куни мамлакатда 924 кишида коронавирус қайд этилганди — бу мамлакатда пандемия бошланганидан буён кунлик касалланиш бўйича энг юқори кўрсаткич ҳисобланади.
Изоҳ (0)