«Дарё»ни Telegram’да ўқинг! Join!
11:57, 03.08.2021 20594

Ҳашаматли ва ялтироқ: Юлдузларнинг кўзни қамаштирувчи тилла ранг либослари (фото)

Қизил йўлакда тилла ранг матодан тикилган кўйлак билан кўриниш берган актриса ва моделлар ҳақида маълумот бериб ўтамиз.

Ирина Шейк

Фото: Cosmopolitan

Модель 2018 йилдаги Met Gala маросимига Versace брендидан либос кийишни афзал билган. Тилла ранг матодан этаклари алламбало қилиб тикилган кўйлакни, шу рангдаги чокер ва билагузук билан мослаган.

Белла Ҳадид

Фото: Cosmopolitan

Беллага ҳар қандай либос ярашаверади. Аммо 2018 йил Bvlgari’нинг кечки зиёфати учун танлаган кўйлаги уни ҳар доимгидан ҳам ўзгача кўрсатган. У ассиметрик шаклда бичилган, узун ва тилларанг либос билан минимал услубдаги пойабзал ҳамда кумуш ранг тақинчоқни умумлаштиришни маъқул билган.

Ким Кардашьян

Фото: Cosmopolitan

Ким ҳар бир маросим ва тадбир учун алоҳида тайёргарлик кўради. 2018 йилдаги Met Gala костюмлар балига у қоматига урғу бериб турадиган тилла ранг кўйлак кийган. Ошириб юбормаслик учун эса тақинчоқни ингичкасидан танлаган.

Блейк Лайвли

Фото: Cosmopolitan

Бир вақтлар қизил йўлакларни безаб турган Блейк бугунги кунда тадбир ва маросимларда кам кўриниш беради. 2017 йилдаги Met Gala’га кийиб келган либос эса энг ёрқин образлардан бири сифатида ёдда қолган. Мовий ранг патлар билан қопланган шлейфи бор тилла ранг либос, атрофдагилар эътиборини ўзига жалб қилмай қолмаган.

Жасмин Тукс

Фото: Cosmopolitan

Жасминнинг либос борасида ажойиб танлов қилган. Унинг унча ёрқин бўлмаган тилла ранг матодан тикилган либоси янада сарвқомат кўринишига ҳисса қўшган.

Марго Робби

Фото: Cosmopolitan

Марго эса оддий бичимли, енги узун либос билан кичкина қора сумка тутишни афзал билган. Сочининг ранги эса тилла ранг кўйлаги билан уйғун бўлиб турган.

Рози Хантингтон-Уайтли

Фото: Cosmopolitan

Рози 2019 йилдаги The Fashion Awards’га ортиқча безакcиз, узун кўйлак танлаган. Сочини тепадан турмаклагани ва ортиқча тақинчоқ тақмагани бир вақтнинг ўзида ҳам сипо ҳам ҳашаматли кўринишига сабаб бўлган.

Эмма Стоун

Фото: Cosmopolitan

Эмма 2017 йилги «Оскар» тақдирлаш маросими учун эски Голливуд юлдузларининг образидан илҳомланган. Givenchy Couture брендининг либоси ҳамда узун сирға билан башанг ва дилбар кўринган. Қизил қизил помада суртиб сочини номига жингалак қилгани ҳам ўзига жуда ярашган.

Мишел Докери

Фото: Cosmopolitan

Мишел ҳам ҳашамат билан оддийликни умумлаштиришга муваффақ бўлган яна бир юлдуз саналади. Оддий, елка қисми очиқ либоси, соч турмаги ва тақинчоқлари образнинг мукаммал бўлишини таъминлаган.