Бугун,

  • USD 10940.05
  • RUB 182.26
  • EUR 11121.65

АҚШда автомобиллар учун металлдан ишланган давлат рақамлари етишмаётгани сабаб унинг қоғоздан ишланган муқобилини тарқатиш бошланди. Металл тақчиллиги ҳақида Терстон округи (Вашингтон штати) аудиторлари маълум қилган. Яқин вақтларда муаммо ҳал этилмайди ва автомобиль эгаларига 60 кун муддатга вақтинчалик рақамлар берилмоқда. Ҳозирча штат фақат енгил машиналар учун рақамлар муаммосига дуч келган, тиркама ва мотоцикллар учун рўйхатга олиш олдингидек давом этмоқда, деб хабар беради Motor.

Фото: The Olympian

Фото: The Olympian

Амалдорлар давлат рақамлари учун металл етишмовчилигини коронавирус пандемияси билан боғламоқда — чекловлар сабаб металл пластиналарни ишлаб чиқариш секинлашган, расмийлар аутсорсингга штамповка учун рўйхатга олиш белгиларини беришга улгурмаяпти.

Хорижий фирмалар рақамлар тайёрлашни августдан бошлайди, аммо Вашингтон штати рақамлар тақчиллиги қачон тугаши борасида прогноз бермаяпти. Металл рақамлар ўрнига берилаётган транзит қоғоз рақамлар муддати 60 кунни ташкил этиши муаммо туғдирмоқда, яъни автомобиль эгалари яна қайта рўйхатдан ўтиш учун вақт сарфлашга мажбур бўлади.

АҚШ ҳукумати янги автомобиль харид қилганлар ҳаётини енгиллаштиришга қарор қилган — металл пластиналарнинг қолган барча захираси автосалонларга берилган, у ерда дастлабки рўйхатга олишдаги қоғоз рақамлар берилмаяпти.

Аввалроқ БААда автомобиль рақами 10 миллион доллардан қимматроққа сотилгани тўғрисида хабар берилганди.

Изоҳ
Асосий янгиликлар