AQShda avtomobillar uchun metalldan ishlangan davlat raqamlari yetishmayotgani sabab uning qog‘ozdan ishlangan muqobilini tarqatish boshlandi. Metall taqchilligi haqida Terston okrugi (Vashington shtati) auditorlari ma’lum qilgan. Yaqin vaqtlarda muammo hal etilmaydi va avtomobil egalariga 60 kun muddatga vaqtinchalik raqamlar berilmoqda. Hozircha shtat faqat yengil mashinalar uchun raqamlar muammosiga duch kelgan, tirkama va mototsikllar uchun ro‘yxatga olish oldingidek davom etmoqda, deb xabar beradi Motor.
Amaldorlar davlat raqamlari uchun metall yetishmovchiligini koronavirus pandemiyasi bilan bog‘lamoqda — cheklovlar sabab metall plastinalarni ishlab chiqarish sekinlashgan, rasmiylar autsorsingga shtampovka uchun ro‘yxatga olish belgilarini berishga ulgurmayapti.
Xorijiy firmalar raqamlar tayyorlashni avgustdan boshlaydi, ammo Vashington shtati raqamlar taqchilligi qachon tugashi borasida prognoz bermayapti. Metall raqamlar o‘rniga berilayotgan tranzit qog‘oz raqamlar muddati 60 kunni tashkil etishi muammo tug‘dirmoqda, ya’ni avtomobil egalari yana qayta ro‘yxatdan o‘tish uchun vaqt sarflashga majbur bo‘ladi.
AQSh hukumati yangi avtomobil xarid qilganlar hayotini yengillashtirishga qaror qilgan — metall plastinalarning qolgan barcha zaxirasi avtosalonlarga berilgan, u yerda dastlabki ro‘yxatga olishdagi qog‘oz raqamlar berilmayapti.
Avvalroq BAAda avtomobil raqami 10 million dollardan qimmatroqqa sotilgani to‘g‘risida xabar berilgandi.
Izoh (0)