NASA’нинг GEOS-East метеорологик сунъий йўлдоши 10 июнь куни кузатилган Қуёш тутилишида Ер қандай кўринишга кирганини космосдан туриб тасвирга олди, деб хабар беради «Korrespondent.net».
Ҳалқасимон қуёш тутилиши Ой Ер ва Қуёш орасидан ўтаётиб, вақтинча Қуёш нурларини тўсиб қўйганида содир бўлади. Бироқ ҳалқасимон тутилиш вақтида Ой Ердан жуда ҳам узоқда бўлгани сабаб Қуёшни тўлиқ тўсиб қўя олмайди, шу сабабли Қуёшнинг ёрқин четлари кўриниб тураверади.
Космосдан қаралганда содир бўлган табиат ҳодисаси мутлақо бошқача кўриниш олади. GEOS-East Ой ва Ер ўртасида жойлашиб, табиий йўлдошнинг сайёра юзасига тушган соясини тасвирга олишга муваффақ бўлган.
As the sun rose this morning, an annular #SolarEclipse occurred, where the moon moved between the Earth and the Sun, but didn't completely cover our view of it. The #GOESEast 🛰️ saw the event from a different perspective, and captured the moon's shadow over North America. pic.twitter.com/In07k9jdfI
— NOAA Satellites (@NOAASatellites) June 10, 2021
Эслатиб ўтамиз, Ернинг шимолий яримшарида яшовчилар 10 июнь куни 2021 йил ҳисобида биринчи марта Қуёш тутилишига гувоҳ бўлди. Мазкур Қуёш тутилиши Ўзбекистон аҳолиси учун ҳам кузатиш мумкин бўлган 2021 йилдаги биринчи тутилиш ҳисобланади. Ўзбекистонда тутилиш Тошкент вақти билан 16:58 да бошланиб, 17:53 да тугаган.
Изоҳ (0)