Гватемалада минглаб одамлар мамлакат президенти Алехандро Жамматей ва бош прокурорнинг истеъфосини талаб қилиб, оммавий намойишлар ўтказди. Бу ҳақда Reuters хабар қилган.

Фото: EPA

Минглаб одамлар президент саройидан бош прокурор офисигача бўлган масофани пиёда «Жамматей истеъфога чиқ!» сўзлари ёзилган баннерлар ва шундай ҳайқириқлар билан босиб ўтди. Намойишчилар машиналар шиналарини ёқиб, ҳукумат биноларини қўриқлаётган полиция ходимларига қизил бўёқлар отган.

Фото: EPA

Намойишлар ўтган ҳафтада коррупцияга қарши курашчи, жазо бермасликка қарши кураш махсус прокуратураси раҳбари Хуан Франциско Сандовалнинг бош прокурор Мария Поррас томонидан ишдан олинганидан кейин бошланган.

Фото: EPA

Бир ҳафта аввал мамлакатдан қочиб кетган Сандовал бош прокурор унинг президент Жамматейнинг коррупцияга алоқадорлиги юзасидан тергов ўтказишига рухсат бермаганини таъкидлаган. Президентнинг ўзи эса коррупцияга алоқадорлигини инкор этмоқда.

Фото: EPA

Фото: EPA

«Сандовал ўз мафкурасига қарши бўлган одамларни таъқиб қилмоқчи бўлди», – деган бош прокурор.

Шунингдек, Поррас маҳаллий телеканаллардан бирига берган интервьюсида ҳамиша шаффоф ишлашга интилиб келганини қайд этган.

Фото: EPA

Фото: EPA

Фото: EPA

Фото: EPA

Фото: EPA

Фото: EPA

Фото: EPA

Аввал Тунисда намойишлар туфайли комендантлик соати жорий қилингани, АҚШ Тунис раҳбарини мухолифат билан музокараларга чақиргани,  Европада коронавирус чекловларига қарши оммавий норозиликлар бўлиб ўтгани, Франция, Буюк Британия, Италия ва Грецияда намойишчилар кўчаларга чиққани ҳақида хабарлар берилган.