Президент тоғ-кон саноати техникасини кўздан кечириб, самосвал ҳайдовчиси билан суҳбатлашгани ҳақида хабар берилган эди. «Gazeta.uz» суҳбатнинг баъзи жойларини эълон қилди.
Шавкат Мирзиёев ҳайдовчи билан суҳбатда машинанинг қулайликлари ҳақида сўради. Давлат раҳбари ҳайдовчининг маоши ҳақида ҳам савол берди. «11—12 миллион, кўтарилиб боряпти ҳозир», — деди ҳайдовчи.
Президент ундан ҳаётида бўлаётган ўзгаришлар ҳақида ҳам сўради. «Уйим йўқ эди, уйли бўлдим. Машина олдим. Ҳозир Malibu автомашинам бор. Сизга раҳмат!», — деб жавоб берди у. Шавкат Мирзиёев «Malibu’инг ҳам борми?», — дея ҳайрон қолди.
Бундан аввал Шавкат Мирзиёев вакцина ишлаб чиқарилиши кутилаётган Jurabek Laboratories қўшма корхонаси фаолияти билан танишгани, Олмалиқда янги мис бойитиш фабрикаси қурилишига тамал тошини қўйгани ҳамда Олмалиқ кон-металлургия комбинатининг «Ёшлик-1» конини бориб кўргани ҳақида хабар берилганди.
Изоҳ (0)