Президент Шавкат Мирзиёев 29 июль куни Олмалиқ шаҳрига ташрифи чоғида Jurabek Laboratories МЧЖ қўшма корхонасида COVID-19’га қарши вакцина ишлаб чиқариш жараёнлари билан танишди, деб хабар бермоқда «Gazeta.uz».
Учрашувда маълум қилинишича, Ўзбекистонга яна 17,9 миллион доза вакцина етиб келиши кутилмоқда:
- Moderna — 3 миллион доза (аввалроқ хабар берилган эди);
- Pfizer/BioNTech — 1,2 миллион доза;
- ZF-UZ-VAC2001 — 12 миллион доза;
- «Спутник V» — 1,7 миллион доза.
Соғлиқни сақлаш вазирлиги маълумотларига кўра, 2021 йил 21 июлга келиб Ўзбекистонга 8,5 миллион доза ZF-UZ-VAC2001 вакцинаси келтирилган. Ўзбек-хитой вакцинасига 39 миллион 100 минг доллар сарфланганидан келиб чиқса, ушбу вакцина ўзбекистонликларга 4,6 доллардан тушмоқда.
2021 йилнинг март ойи охирларида Ўзбекистон ва Хитой ZF-UZ-VAC2001 вакцинаси нархи бўйича маълумотларни очиқламаслик тўғрисидаги давлатлараро шартнома имзолангани маълум қилинганди. Шунингдек, Ўзбекистон мазкур вакцинанинг ҳаммуаллифи бўлгани ва вакцинанинг III фаза синовларида фаол иштирок этгани боис Ўзбекистон томонидан вакцинанинг фақатгина ишлаб чиқариш харажатлари қопланаётгани таъкидланган.
Изоҳ (0)