O‘zbekistonga yana 1 mln doza ZF-UZ-VAC2001 vaksinasi olib kelindi

O‘zbekistonga 21-iyul kuni ZF-UZ-VAC2001 vaksinasining yana 1 million dozasi olib kelindi. Bu haqda SSV matbuot xizmati xabar qildi.

Bundan avval ZF-UZ-VAC2001’ning:

• 27-martda — 1 million doza,
• 27-aprelda — 1 million doza,
• 18-mayda — 1 million doza,
• 19-mayda — 500 ming doza,
• 10-iyunda — 1 million doza,
• 29-iyunda — 1 million doza,
• 30-iyunda — 1 million doza,
• 20-iyulda — 1 million doza partiyalari keltirilgan.

Shunday qilib, mamlakatning jami vaksina zaxirasi 9 million 580 ming dozani tashkil qilmoqda.

Ulardan:

• 370 ming dozasi “Sputnik V”,
• 710 ming dozasi AstraZeneca,
• 8,5 million dozasi ZF-UZ-VAC2001 vaksinasidir.

Ma’lumot uchun, ZF-UZ-VAC2001 koronavirusga qarshi yangi rekombinant vaksina bo‘lib, Xitoy Fanlar akademiyasi Mikrobiologiya instituti olimlari tomonidan yaratilgan, Anhui Zhifei Longcom Biopharmaceutical Co.Ltd farmatsevtika kompaniyasi tomonidan ishlab chiqilgan. Vaksinaning klinik tadqiqotlari o‘zbekistonlik olimlar bilan hamkorlikda olib borilgan.

Eslatib o‘tamiz, 16-iyul kuni AstraZeneca vaksinasining 50 ming dozasi O‘zbekistonga olib kelingan edi. Shunday qilib, O‘zbekistonda jami vaksina zaxirasi 8 million 580 ming dozaga yetdi. Hozirgacha qo‘llanilgan vaksinalar soni 5,8 million dozadan oshgan.