«Daryo» интернет-нашри томонидан Telegram платформасида ўтказилган «Янгиликларни ўқинг ва совғаларга эга бўлинг!» танловининг якуний ғолибига бош соврин — MacBook Air ноутбуки топширилди.
«Янгиликларни ўқинг ва совғаларга эга бўлинг!» танлови 7 июнь куни бошланган бўлиб, беш ҳафта — 12 июлга қадар давом этди. Аммо коронавирус пандемияси билан боғлиқ кўзда тутилмаган ҳолатлар юзага келгани боис, танловнинг тўртинчи ва бешинчи (якуний) ғолибларига ваъда қилинган совринларни топшириш бироз кечикди.
Танлов шартларига мувофиқ, ғолиб номи 12 июль куни иштирокчилар орасида тасодифий танлаш йўли билан (Random.org хизмати орқали) аниқланган эди. Унга кўра, қашқадарёлик Шерзод Алиқулов бош соврин — MacBook Air ноутбуки эгасига айланган. 29 июль куни қимматбаҳо совға ўз эгасига топширилди.
«Daryo» интернет-нашрини бир йилдан бери мунтазам кузатиб келаётган Шерзоднинг айтишича, у бунгача ҳеч қачон бу каби танловларда қатнашмаган. «Таваккал қилганча, ‘Янгиликларни ўқинг ва совғаларга эга бўлинг!’ танловида қатнашиб кўрдим. Буни қарангки, соврин айнан менга чиқди! Барчага ‘Daryo’ интернет-нашрини кузатиб боришни тавсия қилган бўлар эдим», — дейди у.
Эслатиб ўтамиз, танловнинг дастлабки тўрт босқичида нукуслик Нурлан Ситаев, қашқадарёлик Азамат Тўраев, қуйи чирчиқлик Рустамжон Шакрамов ва наманганлик Мансуржон Абдуллаев ғолибликни қўлга киритган эди. Уларнинг барчасига iPhone 12 смартфони топширилган.
«Daryo» интернет-нашрининг Telegram’даги каналига обуна бўлишни унутманг — келгуси совринли танловлар ҳақида айнан @daryo каналидан хабар топасиз.
Изоҳ (0)