Навоий вилоятининг Нурота туманида ЙТҲга учраган Nexia-3’да 43 ёшли йўловчи ҳалок бўлди.
ЙҲХББ матбуот хизмати хабарига кўра, воқеа 28 июль куни соат 16:20 ларда Нурота тумани, «Қадоқ» МФЙ ҳудудидан ўтган 4Р-55 автомобиль йўлининг 76-километрида юз берган. Ҳайдовчи Nexia-3’да ҳаракатланиб кетаётиб бошқарувни йўқотган ва транспорт воситаси йўлдан чиқиб кетиб ағдарилган.
Оқибатда 1982 йилда туғилган йўловчи Х.К. оғир тан жароҳатлари олиб, воқеа жойида вафот этган.
Хабарда айтилишича, ушбу ЙТҲ юзасидан Нурота тумани ИИБ ҳузуридаги ТБ томонидан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Навоий вилоятининг Навбаҳор туманида Nexia-3 ағдарилиши оқибатида уч киши, Қизилтепа туманида катта тезликда кетаётган Nexia-2 ағдарилиши оқибатида 20 ёшли йўловчи вафот этганди.
Изоҳ (0)