Тошкент вилояти, Оҳангарон туманида Қамчиқ довонида Captiva иштирокида йўл-транспорт ҳодисаси содир бўлди, дея хабар бермоқда ЙҲХББ.
Дастлабки маълумотларга кўра, 27 июль куни соат 14:20 ларда Тошкент вилояти, Оҳангарон тумани ҳудудидан ўтган А-373 автомобиль йўлининг 215-километрида Captiva русумли автомобиль ҳайдовчиси бошқарувни йўқотган ва йўлдан чиқиб кетиб, транспорт воситаси ағдарилган.
Оқибатда мазкур автомобиль ҳайдовчиси ва 4 нафар йўловчиси биринчи тез тиббий ёрдам кўрсатиш учун шифохонага олиб кетилган.
ЙТҲ юзасидан ҳудудий ИИБ ЙҲХБ ва ФВБ ходимлари томонидан суриштирув ҳаракатлари олиб борилмоқда.
Бундан аввал Қашқадарёда юк машинаси йўлига чиқиб кетган Nexia ҳайдовчиси ЙТҲ оқибатида ҳалок бўлгани, Самарқандда Lada йўлни кесиб ўтаётган 24 ёшли фуқарони уриб юборгани ҳамда Наманганда икки Damas тўқнашуви оқибатда тўрт яшар қизалоқ ҳалок бўлгани ҳақида хабар берилганди.
Изоҳ (0)