26 июль куни Ўзбекистон бўйича жуда иссиқ об-ҳаво сақланиб туради, фақат Қорақалпоғистонда ва Хоразм вилоятида иссиқнинг бироз пасайиши кутилмоқда. Бу ҳақда «Ўзгидромет» хабар берди.
Фото: «Дарё» / Мадина Нурман
Республика бўйлаб кундуз куни ҳаво ҳарорати 41-44 даражагача иссиқ, жанубда ва чўл ҳудудларида баъзи жойларда 45-46 даражагача иссиқ, Қорақалпоғистонда ва Хоразм вилоятида 35-40 даражагача иссиқ кўтарилади. Шамол тезлиги 17-22 метр/сониягача кучайиши кутилмоқда, баъзи жойларда чангли бўрон билан 25-30 метр/сониягача кучайиши мумкин.
Тошкент шаҳрида шамол тезлиги 15-18 метр/сониягача кучайиши ва ҳаво ҳарорати 41-43 даража иссиқни ташкил этади.
Тоғли ҳудудларда ҳаво бироз булутли бўлади, ёғингарчилик кутилмайди. Шамол 7-12 метр/сония тезликда эсади, баъзи жойларда 17-22 метр/сониягача кучаяди, баъзида эса 25-30 метр/сониягача кучайиши мумкин. Ҳаво ҳарорати 28-33 даража иссиқ бўлади.
Аввалроқ 24—26 июль кунлари Ўзбекистонга Эрон ҳудудларидан қуруқ ва иссиқ ҳаво оқимининг кириб келиши кутилаётгани тўғрисида хабар берилганди. Тошкент шаҳар ҳокимлиги шу муносабат билан аҳолидан зарурат бўлмаганда кўчага чиқмасликни сўраган.
