Токио—2020 Олимпиадасининг 25 июль кунги мусобақалари ўз якунига етди. Ёзги ўйинларнинг расмий иккинчи кунида 18 та медаллар шодаси ўйналди.
Коллаж: «Дарё» / Фото: Getty Images
Таэквондо бўйича -68 кг вазн тоифасида Ўзбекистон шарафини ҳимоя қилган Улуғбек Рашидов делегацияга дастлабки олтин медални тақдим этди. Шу тариқа Ўзбекистон Токио—2020 олтин медалига сазовор бўлган 16 мамлакат рўйхатига кирди.
Медаллар бўйича умумий рўйхатда Хитой етакчиликни сақлаб қолди. 6 та олтин, 1 та кумуш ва 4 та бронзага эга чиққан чин юрти вакиллари медаллар сифати ва сони бўйича етакчилик қилмоқда.
Дастлабки кунги мусобақаларда бирорта ҳам медал қўлга кирита олмаган АҚШ вакиллари иккинчи кунда бир йўла ўнта совринли ўринни эгаллади ва умумий рўйхатда топ-3 ликка кирди.
Ўзбекистон эса битта олтин медал билан Австрия, Эквадор, Эрон, Косово ва Таиланд билан 11—16-поғоналарни бўлишиб турибди.
Токио—2020 медаллар рейтинги
1. Хитой — 6-1-4 (11)
2. Япония — 5-1-0 (6)
3. АҚШ — 4-2-4 (10)
4. Жанубий Корея — 2-0-3 (5)
5. РОҚ (Россия) — 1-4-2 (7)
6. Италия — 1-1-3 (5)
7-8. Австралия — 1-1-1 (3)
7-8. Франция — 1-1-1 (3)
9-10. Венгрия — 1-1-0 (2)
9-10. Тунис — 1-1-0 (2)
11-16. Австрия — 1-0-0 (1)
11-16. Эквадор — 1-0-0 (1)
11-16. Эрон — 1-0-0 (1)
11-16. Косово — 1-0-0 (1)
11-16. Таиланд — 1-0-0 (1)
11-16. Ўзбекистон — 1-0-0 (1)
Мусобақанинг икки кунида жами 94 та медал (29 тадан олтин ва кумуш, 37 та бронза) ўз эгаларига топширилди. 40 та мамлакат вакиллари камида биттадан совринга эга бўлди.
Фото: «Дарё» / Ҳусан Собитов
