Тошкентда сув хўжалиги вазири Шавкат Ҳамроев ва Қозоғистоннинг экология, геология ва табиий ресурслар вазири Магзум Мирзагалиев ўртасида учрашув бўлиб ўтди. Бу ҳақда Қозоғистон Экология, геология ва табиий ресурслар вазирлиги хабар қилди.
Учрашувда Сирдарёнинг ўрта ва қуйи оқимларида сув ресурсларини бошқариш ҳолатини яхшилаш бўйича қўшма чора-тадбирлар муҳокама қилинди.
Учрашув якунида Қозоғистон учун «Дўстлик» давлатлараро канали орқали Туркистон вилоятининг Мақтаарал ва Еттисой туманлари фермерлари учун сув чиқарилиши 80 дан 90 куб метр/соатгача оширилди. Шундай қилиб, ёзги вегетация даврида Қозоғистон деҳқонлари ерларини суғоришда сув танқислигини сезмайди.
Учрашув давомида, шунингдек, Сирдарё дарёсидан тўлдириладиган Шардара сув омборига оқимни кўпайтириш бўйича қўшма тадбирларни давом эттириш бўйича келишувга эришилди. Бундан ташқари, томонлар Қозоғистон ва Ўзбекистон ҳукумати ўртасида трансчегаравий сув ҳавзаларини биргаликда бошқариш ва улардан фойдаланиш тўғрисидаги битим лойиҳасини муҳокама қилди. Шартнома лойиҳасини келишиб олиш бўйича жараённи 2021 йил охиригача якунлаш истаги билдирилди.
Изоҳ (0)