Тошкент вилояти Ўрта Чирчиқ туманида дори воситаларининг ноқонуний муомалага киритилишининг олди олинди, дея хабар бермоқда Бош прокуратура ҳузуридаги Департамент матбуот хизмати.
Қайд этилишича, Департаментнинг Ўрта Чирчиқ туман бўлими ҳамда Божхона қўмитасининг Тошкент вилоят бошқармаси томонидан ўтказилган тезкор тадбирда фуқаро Ш.Б. хорижда ишлаб чиқарилган тегишли ҳужжатлари бўлмаган 2000 қути «Methylprednisolone Sodium Succinate for Injection USP Addsone» номли дори воситаларини 120 миллион сўмга ҳисоблаб, харидорга Нурафшон шаҳридаги автотураргоҳ олдида сотаётган вақтида ашёвий далиллар билан ушланган.
Мазкур ҳолат юзасидан Жиноят кодексининг 186-3-моддаси (дори воситаларини ёки тиббий буюмларни дорихоналардан ва уларнинг филиалларидан ташқарида реализация қилиш) билан жиноят иши қўзғатилиб, тергов ҳаракатлари ўтказилмоқда.
Бундан аввал Тошкентда 175 миллион сўмлик дори воситасини ноқонуний муомалага киритишга уринган шахс қўлга олингани ҳақида хабар берилганди.
Изоҳ (0)