Бугун, 23 июлдан бошлаб Токиода Олимпиада ўйинларига старт берилди. Шу муносабат билан Google бош саҳифасига Doodle Champion Island Games интерактив дудл-ўйинини жойлаштирди, деб хабар бермоқда Hi-Tech.Mail.ru нашри. Ўйин логотип ёнидаги анимацияни босиш орқали очилади.
Мазкур дудл Япониянинг STUDIO 4°C анимацион студияси ёрдамида яратилди. Бу ролли ўйин бўлиб, унда асосий қаҳрамон — Лаки лақабли нинза-мушук. У турли мини-ўйинларда тўртта жамоадан бири учун курашиши керак бўлади.
Дудл стол тенниси, регби, югуриш, сузиш ва тоғга чиқишни ўз ичига олган еттита мини-ўйиндан иборат. Улар 90 йилларнинг 16-битли консолларидаги ўйинларни эслатади ва кулгили анимацион видеолар билан тўлдирилган. Мини-ўйинлардан ташқари, бошқа квестлар ҳам мавжуд.
Изоҳ (0)