Netflix стриминг сервиси ўз фойдаланувчиларига фильм ва сериаллардан ташқари, ўйинларни ҳам таклиф этишни режалаштирмоқда. 2021 йилнинг баҳорида платформа видеоўйинлар йўналиши бўйича раҳбар лавозимини очганди, деб хабар беради «Korrespondent.net».
Натижада ушбу лавозимни бунга қадар Electronic Arts нашриётининг мобил бўлинмасига раҳбарлик қилган ва Facebook’нинг VR-йўналишини бошқарган Майк Верду эгаллаган эди.
Верду сервиснинг ўйин йўналишини бошқаради, шу сабабли 2022 йилдан Netflix’да видеоўйинлар ҳам пайдо бўлади.
Таъкидланишича, бу билан стриминг сервисга обуна нархи қимматлашмайди.
Эслатиб ўтамиз, 2021 йилнинг мартида Netflix мобил дастурида қисқа кулгили видеоларга эга TikTok муқобили ишга туширилганди. Бўлим «Дарров кулги» (Fast Laughs) номини олган. TikTok’дан фарқли ўлароқ, фойдаланувчилар у ерга ўзларининг шахсий роликларини юклай олмайди — лента фақат Netflix контентини кўрсатади.
Изоҳ (0)