Марк Цукерберг Instagram ва Facebook ижтимоий тармоқларидаги блогерлар ўзининг контенти учун пул ишлаб олишига ёрдам берадиган бонусли дастурлар ишга туширилишини эълон қилди. Лойиҳа учун 1 миллиард доллар маблағ ажратилган, деб хабар беради «Korrespondent.net».
«Биз миллионлаб фойдаланувчилар учун яхши платформа яратишни хоҳлаймиз. Улар бу пул ишлаши учун янги дастурлар ишлаб чиқяпмиз. 2022 йилга қадар Facebook ва Instagram’да ажойиб контент яратган муаллифларга мукофот сифатида 1 миллиард долларгача инвестиция кириш ниятидамиз», — дейди Facebook раҳбари.
Таъкидланишича, 2021 йилнинг ёзида компания Instagram’да, кузда эса Facebook’да махсус дастурларни ишга туширади ва контент яратувчилар бонуслар ҳақида маълумотга эга бўлиши мумкин бўлади.
Америкалик блогерларга мўлжалланган дастлабки бонус дастур доирасида Instagram учун Reels роликларини яратаётганлар рағбатлантирилади.
Facebook бу каби пулли тўловлар TikTok’даги фойдаланувчиларни «ўзига жалб этишига» умид қилмоқда.
Аввалроқ Цукерберг интернетни ислоҳ қилишни таклиф этганди. Цукербергнинг фикрига кўра, технологик платформалар ўзининг алгоритми таркибига кирмайдиган контентларнинг исталган қисми учун жавоб беришга мажбур бўлмаслиги керак.
Изоҳ (0)