«Республикада ўсимликлар карантини ва ҳимояси тизимини тубдан такомиллаштириш чора-тадбирлари тўғрисида»ги Президент фармони қабул қилинди, деб хабар беради Telegram’даги «Ҳуқуқий ахборот» канали.
Фармон билан Вазирлар Маҳкамаси ҳузуридаги Ўсимликлар карантини давлат инспекцияси негизида Ўсимликлар карантини ва ҳимояси агентлиги ташкил этилди. «Ўзагрокимёҳимоя» АЖ ва ҳудудий «Агрокимёҳимоя» АЖ Кимёлаштириш ва ўсимликларни ҳимоя қилиш воситаларини синовдан ўтказиш ва рўйхатга олиш бўйича давлат комиссияси тугатилган.
2024 йил 31 декабргача қуйидагилар Тадбиркорлик фаолиятини қўллаб-қувватлаш давлат жамғармаси томонидан компенсация қилинади:
- 10 миллиард сўмдан, фоизи Марказий банк асосий ставкасининг 1,75 баробаридан ошмайдиган миллий валютадаги кредитлар учун фоиз харажатлари, Марказий банкнинг асосий ставкасидан ошадиган, лекин 7 фоиз пунктдан кўп бўлмаган қисми;
- банклар томонидан эквиваленти 10 миллиард сўмдан ошмайдиган хорижий валютада ажратиладиган кредитлар учун — банклар фоиз ставкасининг 30 фоизигача, бироқ 3 фоиз пунктидан кўп бўлмаган миқдорда фоиз;
- кредит таъминотининг 50 фоизигача, бироқ 10 миллиард сўмдан ортиқ бўлмаган миқдорда Тадбиркорлик фаолиятини қўллаб-қувватлаш давлат жамғармаси кафиллик тақдим этади.
Шунингдек, Вазирлар Маҳкамаси бир ҳафта муддатда Агентлик фаолиятини ташкил этиш тўғрисидаги Ўзбекистон Президентининг қарори лойиҳасини Президент Администрациясига киритиш вазифаси қўйилган.
Изоҳ (0)