“Respublikada o‘simliklar karantini va himoyasi tizimini tubdan takomillashtirish chora-tadbirlari to‘g‘risida”gi Prezident farmoni qabul qilindi, deb xabar beradi Telegram’dagi “Huquqiy axborot” kanali.
Farmon bilan Vazirlar Mahkamasi huzuridagi O‘simliklar karantini davlat inspeksiyasi negizida O‘simliklar karantini va himoyasi agentligi tashkil etildi. “O‘zagrokimyohimoya” AJ va hududiy “Agrokimyohimoya” AJ Kimyolashtirish va o‘simliklarni himoya qilish vositalarini sinovdan o‘tkazish va ro‘yxatga olish bo‘yicha davlat komissiyasi tugatilgan.
2024-yil 31-dekabrgacha quyidagilar Tadbirkorlik faoliyatini qo‘llab-quvvatlash davlat jamg‘armasi tomonidan kompensatsiya qilinadi:
- 10 milliard so‘mdan, foizi Markaziy bank asosiy stavkasining 1,75 barobaridan oshmaydigan milliy valyutadagi kreditlar uchun foiz xarajatlari, Markaziy bankning asosiy stavkasidan oshadigan, lekin 7 foiz punktdan ko‘p bo‘lmagan qismi;
- banklar tomonidan ekvivalenti 10 milliard so‘mdan oshmaydigan xorijiy valyutada ajratiladigan kreditlar uchun — banklar foiz stavkasining 30 foizigacha, biroq 3 foiz punktidan ko‘p bo‘lmagan miqdorda foiz;
- kredit ta’minotining 50 foizigacha, biroq 10 milliard so‘mdan ortiq bo‘lmagan miqdorda Tadbirkorlik faoliyatini qo‘llab-quvvatlash davlat jamg‘armasi kafillik taqdim etadi.
Shuningdek, Vazirlar Mahkamasi bir hafta muddatda Agentlik faoliyatini tashkil etish to‘g‘risidagi O‘zbekiston Prezidentining qarori loyihasini Prezident Administratsiyasiga kiritish vazifasi qo‘yilgan.
Izoh (0)