Наманганда Косонсой соҳилларида жойлашган дам олиш масканларининг ҳолати ўрганилмоқда. Бу ҳақда «Дарё» мухбири Азизбек Абдувалиев хабар бермоқда.

Фото: «Дарё»

Ўрганиш ишларини вилоят қурилиш бош бошқармаси ва вилоят қурилиш соҳасида назорат ҳудудий назорат инспекцияси мутахассислари амалга оширмоқда. Уларга ФВБ ходимлари яқиндан ёрдам бермоқда.

Фото: «Дарё»

Вилоят қурилиш бош бошқармаси бошлиғи Дилшодбек Ниязовнинг айтишича, ўрганишлар 15 июль куни бошланган, ҳозирда ҳам давом этмоқда. Бир куннинг ўзида 50 дан ортиқ ҳордиқ масканлари кўздан кечирилган. Аксарият сой соҳилидаги тақиқланган жойларга ҳеч қандай рухсатсиз бундай масканлар тиклангани аниқланган.

Фото: «Дарё»

Уларнинг эгаларига Косонсой туман ҳокимлиги ҳузурида тузилган ишчи гуруҳ томонидан огоҳлантириш хатлари берилди.

Фото: «Дарё»

Ҳозиргача Косонсой соҳилларида ноқонуний қурилган бино ва қурилмалардан 100 га яқини буздирилди. 50 дан ортиқ кўчма қурилмалар, яъни сўри ва ўриндиқлар олдириб ташланди.

Фото: «Дарё»

Косонсойдаги дам олиш масканлари фаолиятини тартибга солиш юзасидан ишлар давом эттирилмоқда. Мутасаддиларга кўра, бундай тадбирлар келгусида катта талафот ва хавф-хатарларнинг олдини олишда ёрдам беради.

Фото: «Дарё»

Эслатиб ўтамиз, Косонсой туманида 2021 йил 13 июль куни юз берган сел ёпирилиши қурбонлари сони 9 кишига етди. Уларнинг барчаси Наманган шаҳридан Косонсой соҳилларига дам олиш учун чиққан фуқаролар бўлган.

Фото: «Дарё»