Ko‘pgina yulduzlar Gollivud bulvarida ularning nomlari abadiylashtirilishini orzu qiladi. Chunki bu muvaffaqiyat va mashhurlikning ko‘rsatkichidir. Biroq  shunday taniqli yulduzlar ham borki, ular nafaqat yulduz haqida orzu qilmaydi, balki undan hatto bosh ham tortishgan.

Al Pachino 

Foto: Pinterest

Mashhur aktyor Gollivudning shon-sharaf xiyobonida tinch va yulduzsiz yashashga qaror qilgan. Gap shundaki, Al Pachino qo‘mita tomonidan qo‘yilgan shartlarni yoqtirmagan. Uning yulduzlar nominatsiyasi marosimida o‘tkaziladigan tadbirlar uchun ko‘p vaqti yo‘q edi. Bundan tashqari, ushbu muhim voqeadan oldin bunday sharafga sazovor bo‘lishga qaror qilganda 50 ming dollar to‘lov qilishi kerakligi ma’lum bo‘lgan. Aktyor pulni yulduz uchun berganidan ko‘ra, uni o‘zida saqlash yaxshiroq deb bilgan.

Madonna

Foto: Pinterest

Madonnaning bu kabi yulduzga ikki marta nomzodligi qo‘yilgan. Ammo xonanda har safar uni rad etgan. Yulduz nima uchun ismining abadiylashtirilishiga rozi bo‘lmaganini oshkor qilmagan. U shunchaki insonlar yodida bunday tarzda qolishni istamasligini, uning ijodini sodiq muxlislari eslab, hurmat qilishini ma’lum qilgan.

Jorj Kluni

Foto: Pinterest

Qo‘mita a’zolari Jorjning nomzodini ham yulduz uchun qo‘ygan edi, ammo u taklifni e’tiborsiz qoldirgan. Jorj hech qachon bunday marosim uchun biror kunni belgilamagan. Ko‘rinib turibdiki, aktyor karyerasida bu kabi yulduzga muhtoj emas.

Juliya Roberts

Foto: Pinterest

2001-yilda “Oskar” mukofotiga ega bo‘lgan aktrisaga tashkiliy qo‘mita unga shon-sharaf xiyobonida yulduzcha o‘rnatishni taklif qildi. Juliya rozi bo‘lmadi va taklifni rad etdi. 2019-yil yana unga taklif bo‘ldi. “Chiroyli ayol” filmidan keyin Robertsning qahramoni bulvardan joy olgan.

Klint Istvud

Foto: Pinterest

Klint haqiqiy Gollivud yulduzi, ammo hech kim uning ismini shon-sharaf xiyobonidan topa olmaydi. Bunga sabab aktyorning o‘zi bosh tortgan. Qo‘mita tashkilotchilarining so‘ziga ko‘ra, Istvud xohlasa, istalgan vaqtda vaziyatni to‘g‘rilashi mumkin.

Uitni Xyuston

Foto: Pinterest

1995-yilda Uitni Xyuston yuqoridagidek taklifni e’tiborsiz qoldirgan. Keyinchalik uning menejeri qo‘shiqchining nomiga odamlarning qadam bosishini istamasligini tushuntirgan. 2012-yilda xonandaning vafotidan keyin qo‘mita a’zolari qarindoshlariga uning nomini asosiy bulvarda abadiylashtirishni taklif qilishgan. Biroq Xyustonning yaqinlari u doimo o‘zining yulduziga qarshilik qilgani uchun rozi bo‘lmagan.