Турк оммавий ахборот воситаларида Кадир Доғулунинг «Севги таърифи» сериалидаги ҳамкасби Серра Аритурк билан бирга тушган видеоси эълон қилинди. Машҳурларнинг ёнма-ён ўтиргани акс этган видео жамоатчилик орасида резонанс пайдо бўлишига сабаб бўлди, деб ёзади «Rus.Turkey.com».
Олинган кадрларнинг бу қадар норозилик келтириб чиқаришини ҳеч ким кутмаган. Туркиялик ижтимоий тармоқ фойдаланувчилари Кадирни ҳамкасбига нисбатан ортиқча яқин бўлишда, айримлар ҳатто рафиқасига хиёнат қилишда айблаган.
«Ҳаддан ортиқ яқинлик», «Кадирни билмадик-ку, аммо Серра аниқ Кадирни севиб қолган», «Кадирнинг ҳамкасбини у билан боғлиқ режалари катта», — деб изоҳ қолдирган фойдаланувчилар.
Шундан кейин ОАВ вакиллари Серра, Кадир ва Неслиҳандан изоҳ олишга уринган, аммо актрисалар жавоб беришдан бош тортган. Актёр эса Неслиҳан ҳақидаги саволга қуйидагича жавоб берган: «Ҳаммаси яхши, Неслиҳан уйда. Тонгда мен учун ажойиб нонушта тайёрлади, бизда ҳаммаси жойида».
Неслиҳанни етарли даражада рашкчи деб билган мухлислар, уни видеога нисбатан муносабат билдиришини кутган. Кўп ўтмай Instagram саҳифасига қаҳ-қаҳ отиб кулгани акс этган суратни жойлаган актриса: «Тўхтанг. Бироз кулай», деб изоҳ ёзиб қолдирган. Бу билан Неслиҳан, турмуш ўртоғининг хиёнати ҳақидаги тахминларни эшитиш у учун кулгили эканига ишора қилган.
Айримлар видеони янги лойиҳа рейтингини кўтариш учун Кадир ва продюсерлар томонидан уюштирилган, деб тахмин қилган.
Аввалроқ Неслиҳан Атагулнинг яқин орада экранларда кўринмаслиги сабаби маълум бўлгани ҳақида хабар берилганди.
Изоҳ (0)