Янги Ўзбекистон университетида ўқиш учун контракт нархи эълон қилинди. Нархлар университет сайтида маълум қилинди.
Хабарга кўра:
- маҳаллий талабалар учун бир семестрга 24 млн 850 минг сўм;
- хорижий талабалар учун эса бир семестрга 5 минг АҚШ доллари этиб белгиланган.
Мавзуга доир: «Янги Ўзбекистон университетида фақат Президент мактаби битирувчилари ўқийди, деган хулосага ўрин йўқ» – Шерзод Асадов
Қабул имтиҳонларини Кембриж университети ўтказади. Ўқув режа ва дастурлар Массачусетс технология институти ҳамда Мюнхен техника университети билан биргаликда ишлаб чиқилади. Шунингдек, улар таълим сифатини назорат қилиш, лаборатория ва кутубхоналарни тўлдиришга кўмаклашади. Университетга германиялик ректор тайинланиши кутилмоқда.
Университетда 5 та – муҳандислик, табиий фанлар, бошқарув, агротехнологиялар ва ахборот технологиялари факультетлари бўлади. Дарслар ўзбек ва инглиз тилларида олиб борилади.
Изоҳ (0)