Тошкент шаҳрида 5–10 июль кунлари атмосфера ҳавосидаги чангнинг рухсат этилган ўртача кунлик концентрацияси 3,3 бараварга ошиб кетди. Бу ҳақда 13 та стационар постда ҳавонинг ифлосланиш кузатувлари борасида олиб борилган мониторинг маълумотларига таяниб, «Ўзгидромет» хабар берди.
Маълум қилинишича, шаҳар бўйича ушбу даврда азот диоксиди 1,5 марта; водород фторид (HF) бўйича 1,6 марта, фенол ва углерод оксиди бўйича 1,3 марта ортгани қайд этилган.
Бошқа ифлослантирувчи моддалар санитар меъёрдан ошмаган.
Эслатиб ўтамиз, «Ўзгидромет» Тошкент шаҳрида жадал суръатлар билан олиб борилаётган қурилишлар жуда катта миқдордаги қум ва чангнинг пайдо бўлишига сабаб бўлаётганини, улар ҳатто кучсиз шамол эсганда ҳам ҳавога кўтарилишини маълум қилганди.
Изоҳ (0)