Қашқадарё вилоятининг Шаҳрисабз туманида яшовчи фуқаро уч нафар фарзандининг моддий таъминоти учун 100 миллион сўм алимент пулини олдиндан тўлаб берди. Бу ҳақда «Дарё»га МИБ вилоят бошқармаси ахборот хизмати раҳбари Гулноза Дилмуродова хабар берди.
Таъкидланишича, фуқаролик ишлари бўйича Чироқчи туман судининг 2016 йил 25 январдаги буйруғига асосан қарздор Қ.Ш.дан икки нафар фарзандининг, Шаҳрисабз туманлараро судининг 2019 йил 2 июлдаги буйруғига асосан эса бир нафар, жами уч нафар фарзандининг моддий таъминоти учун алимент ундирилиши белгиланган.«Қарздор шу кунга қадар алимент пулларини тўлаб келган. Жорий йилнинг 9 июль куни фуқаро Қ.Ш. алимент қарздорлигидан бутунлай қутулиш, мамлакат ҳудудидан четга чиқиш ҳуқуқларини тиклаш мақсадида ундирувчи билан келишган ҳолда 100 миллион сўм алимент пулларини олдиндан тўлаб берди ва мазкур ижро иши тўхтатилди», — дейди Гулноза Дилмуродова.
Изоҳ (0)