Qashqadaryo viloyatining Shahrisabz tumanida yashovchi fuqaro uch nafar farzandining moddiy ta’minoti uchun 100 million so‘m aliment pulini oldindan to‘lab berdi. Bu haqda “Daryo”ga MIB viloyat boshqarmasi axborot xizmati rahbari Gulnoza Dilmurodova xabar berdi.
Ta’kidlanishicha, fuqarolik ishlari bo‘yicha Chiroqchi tuman sudining 2016-yil 25-yanvardagi buyrug‘iga asosan qarzdor Q.Sh.dan ikki nafar farzandining, Shahrisabz tumanlararo sudining 2019-yil 2-iyuldagi buyrug‘iga asosan esa bir nafar, jami uch nafar farzandining moddiy ta’minoti uchun aliment undirilishi belgilangan.“Qarzdor shu kunga qadar aliment pullarini to‘lab kelgan. Joriy yilning 9-iyul kuni fuqaro Q.Sh. aliment qarzdorligidan butunlay qutulish, mamlakat hududidan chetga chiqish huquqlarini tiklash maqsadida undiruvchi bilan kelishgan holda 100 million so‘m aliment pullarini oldindan to‘lab berdi va mazkur ijro ishi to‘xtatildi”, — deydi Gulnoza Dilmurodova.
Izoh (0)