Болливуд юлдузлари суратга олиш жараёнида қандай овқатланишни маъқул кўради? (фото)

Ҳинд киносаноати вакилларининг кунлик таомномасидан қандай маҳсулот ва таомлар ўрин олгани ҳақида маълумот бериб ўтамиз.

Сонакши Сингх

Актриса ҳар уч соатда кам порциядан овқатланади. Унинг нонушта таомномасида уйда пиширилган кулча, сабзи ва салатлар борлигига гувоҳ бўлиш мумкин. Шунингдек, у товуқ, тухумнинг оқи ва балиқни яхши кўради.

Салмон Хон

Салмон Хон тонгни товуқ гўшти, тухум оқи ва балиқ билан қарши олишни маъқул билади. У шакар ва термик ишлов берилган таомлардан тийилиб, салатлар истеъмол қилади.

Жон Абраҳам

Жон Абраҳам оддий ва соғлом тамадди қилишни яхши кўради. Тушликка нон, ясмиқдан пиширилган шўрва ва исмалоқ, нонуштага эса катта стаканда шарбат, олтита тухумнинг оқи, бир бўлак сариёғли тост ва 10 та бодом истеъмол қилади.

Ранбир Капур

Ранбир эса уйда пиширилган таомларни хуш кўради. Нонуштага тухумнинг оқини ейишга ва бир стакан сабзавот шарбати ичишга ҳаракат қилади. Тушликка эса ҳиндча таом ейишни (Дал, роти, сабзи ва творог) яхши кўради.

Ритик Рошан

Болливуд юлдузи ёғли ва қовурилган таомларни назорат билан истеъмол қилади. Барра мева ва сабзавотларни ейишни яхши кўрадиган Ритик кун давомида 6-7 марта тамадди қилади. Ширин картошка, жигарранг гуруч ва товуқ севимли овқати бўлган Рошан сув ичишни канда қилмайди.

Ранвир Сингх

Ранвир Сингх тушликка кулча нон, гўшт ва салат ейди.

Сиддхарт Малхотра

Сиддхарт товуқ, балиқ, гўшт ва оқсилга бой маҳсулотлар истеъмол қилишни афзал билади. Қолаверса, у кўп сув ва оқсилга бой коктейл ичади.

Сунил Шетти

Сунил нонуштани тухум ва қора нон билан қилади. Суратга олиш майдончасига эса ўзи билан кулча, жигарранг гуруч ва сабзавотлар олиб боради.

Дипика Падуконе

Дипика тонгда тухум, оддий доса (миллий таом), ялпиз қўшиб тайёрланадиган чатни ва паратхи ейди.

Приянка Чопра

Приянка овқат танлаб ўтирмайдиганлардан. У пеперрони пиццасидан тортиб паратхигача бўлган ҳамма таомларни ейиши мумкин. Унинг кундалик рациони кулча, сабзавот, шўрва, салат, гуруч ва бошқа кўплаб мевалардан ташкил топади.

Катрина Каиф

Катрина эса дуккаклар билан жигарранг гуручни ва сабзавотли салат ейди. Тушликда эса барра мевалардан тайёрланган шарбат ичади.

Шилпа Шетти

Актриса нонуштага чой, оқсилга бой коктейл, иккита хурмо ва саккиз дона майиз ейишни афзал билади. Тушликда эса 5 хил дондан тайёрланган кулчани сариёғ, сабзавот ва товуқ билан бирга истеъмол қилади.

Бипаша Басу

Бипаша тонгда тухум, қўзиқоринли тост ёки бўтқа ейди. Тушлиги эса яшил сабзавотлар, қовурилган жўжа ёки балиқ, яшил салат ва сояли нондан ташкил топади.