Bollivuddagi mashhur aktrisalarning son-sanog‘i yo‘q. Ularni ayrimlari muvaffaqiyatga erishibgina qolmay, oilasini yetarli miqdorda moliyaviy tomondan ham ta’minlagan, hattoki vafotidan keyin ham.

Divya Bxarti − 19 yoshida vafot etgan

Foto: “Yandeks Dzen”

Bollivudning eng muvaffaqiyatli aktrisalaridan biri − Divya Bxarti 19 yoshida vafot etgan. Uning hayotida baxtsiz hodisa yuz berishidan avval aktrisa bir necha yilga shartnomalar imzolagan edi. Ma’lum bo‘lishicha, 1993-yilda u oilasiga qariyb 700 million rupiy, ya’ni salkam 10 million dollar mablag‘ qoldirgan.

Shridevi − 54 yoshida vafot etgan 

Foto: “Yandeks Dzen”

Yana bir mahoratli aktrisa Shridevi kinoprodyuser Boni Kapurga turmushga chiqqan. Vafotidan keyin uning 2,5 milliard rupiy, ya’ni 34 million dollarlik mulki uning ikki qizi Janvi va Kxushi Kapurlar tomonidan taqsimlab olingan. Shuningdek, vidolashuv marosimi translyatsiyasidan ham oila katta daromad ko‘rgan.

Saundarya avtohalokatda vafot etgan

Foto: “Yandeks Dzen”

Saundarya Amitabh Bachchan bilan “Quyoshli sulola” filmida rol ijro etib, mashhurlikka erishdi. Afsuski, oradan 5 yil o‘tib, aktrisa avtohalokatda vafot etdi. Xabarlarga ko‘ra, u oilasiga 500 million rupiy, ya’ni 6,6 million dollar miqdorida mol-mulkini qoldirgan.

Rima Lagu − 2017-yilda vafot etgan

Foto: “Yandeks Dzen”

Rima Lagu turli xil xarakterdagi ona obraziga mos keladigan ko‘p qirrali hind aktrisalaridan biri edi. 2017-yilda aktrisa yurak xuruji tufayli hayotdan ko‘z yumdi. Rima 200 million rupiya  − 2,6 million dollar  miqdordagi aktivlarni oila a’zolariga qoldirgan.

Jiya Xon o‘z joniga qasd qilgan

Foto: “Yandeks Dzen”

Karyerasini 19 yoshida boshlagan Jiya Amitabh Bachchan bilan “Muhabbatga ishonib bo‘lmaydi” filmidagi ijrosi bilan muvaffaqiyatga erishgan. Keyinchalik u sevgilisi Suraj Pancholi tomonidan xiyonatga uchragach, o‘z joniga qasd qilgan. Ma’lum bo‘lishicha, uning sof aktivlari 150 million rupiy − 2 million dollarni tashkil etgan va uning oila a’zolariga berilgan.