Приянка Чопра Max Factor брендининг халқаро махсус вакили бўлди

Max Factor бренди актриса, продюсер Приянка Чопра-Жонасни ўзининг янги махсус вакили деб эълон қилди. Бу ҳақда Elle хабар беради.

Маълум қилинишича, у 2021 йилда бренднинг аъзосига айланиши билан дарҳол компаниянинг юзи бўлишга муваффақ бўлган. Иштирокидаги биринчи реклама кампанияси янги тональ крем Facefinity All Day Flawless Airbrush Finish 3 in 1 чиқишига бағишланади.

ЮНИСЕФ фондининг кўнгилли элчиси ва бутун дунёдаги аёлларнинг ҳимоячиси сифатида маълум бўлган Чопра аёлларнинг ички ва ташқи трансформацияси имкониятини кенгайтириш кераклиги ҳақидаги мавзуни мунтазам равишда кўтаради.

Приянка ўзига бўлган ишончнинг кўтарилишига сабаб бўладиган ва аёлларнинг гўзаллигига урғу берадиган манбалар ҳақидаги мунозараларни қўллаб-қувватлаш билан бирга, замонавий аёлларни ўзгаришга илҳомлантиради.

«Приянка бизнинг ҳар тарафлама аудитория, ҳуқуқларни ҳимоя қилиш соҳасидаги етакчининг замонавий тимсолидир. Биз бу ҳамкорликдан жуда ҳам мамнунмиз ва биргаликда кўп муваффақиятларга эришамиз, деб умид қиламан», — дейди Coty бренди раҳбари Стефано Курти.

Приянка бутун дунёнинг визажистлари билан бирга ўзгариш учун қандай қилиб ортиқча уринишларсиз бренд маҳсулотларидан фойдаланиш ҳақида профессионал кўникмаларни тарқатишга ёрдам беради. Актрисанинг ўзи эса 100 йиллик тарихга эга бўлган Max Factor’нинг глобал амбассадори бўлишдан ғоят шод эканлигини маълум қилган.

«Ўзига бўлган ишончнинг юксак экани кишини жуда ҳам мафтункор кўрсатади. Ўз макияжига ишончи юқори бўлган одамнинг ўзига бўлган ишончи ҳам юқори бўлади. Бутун дунёнинг визажист ва инсонларига мурожаат қилар эканман, ўзимнинг яхши компанияда эканимни биламан ва Max Factor маҳсулотларини тақдим қилиш билан боғлиқ эмоциялар билан бўлишишдан хурсандман», — дейди у.