Олий ва ўрта махсус таълим вазири Абдуқодир Тошқуловнинг ота-оналар ва талаба-ёшларга мурожаат билан чиқиб, оммавий равишда вакцинацияда иштирок этишга чақирди.
Абдуқодир Тошқулов ўз мурожаатида республика махсус комиссиясининг қарори билан 18 ёшдан катта бўлган, бугунги кунда таълим олаётган бакалавриатура, магистратура, клиник ординатура талабалари коронавирус инфекциясига қарши ихтиёрий равишда оммавий бепул эмланаётганини таъкидлаб ўтган.
Шунингдек, коронавирус инфекциясига қарши ихтиёрий равишда эмланган, республикада фаолият юритаётган барча давлат ва нодавлат олийгоҳларда тўлов-контракт асосида ўқийдиган талабаларга 2021/2022-ўқув йили учун базавий тўлов контрактига 10 фоиз миқдорида бир марталик чегирма бонуси берилишини қайд этган.
Азизлар, аввало, ўзимизни, жамиятимизни асрашимиз керак. Кўчадаги ҳар хил ёлғон сўзларга, ваҳимага берилмасдан, оммавий равишда вакцинациядан иштирок этишимиз керак. Жонажон юртимизда 700 мингга яқин талаба бор. Агар ҳир бирингиз 10 кишига даъват қилсангиз, қанча-қанча одамларни асраган бўламиз.Аввалроқ Ўзбекистонда жами вакцина захираси 7 миллион 440 минг дозага етгани, мамлакатда коронавирусга қарши қўлланилган вакциналар сони 4 миллион дозадан ошгани, халқ таълими вазири Шерзод Шерматов коронавирусга қарши ўзбек—хитой вакцинаси билан эмлангани тўғрисида хабар берилганди.Туғилганимиздан бошлаб ўндан ортиқ вакцина олган эканмиз. Дастлабки вакциналаримиз, туғилганимизнинг соатларидан кейин бўлган. Шундай экан, бугун илмий асосланган, олимлар томонидан ишлаб чиқилган, бир эмас бир нечта вакцина турлари бор шароитда ўзингиз, оилангиз, жамиятни асрашга ҳисса қўшинг.
Абдуқодир Тошқулов, олий ва ўрта махсус таълим вазири
Изоҳ (0)