Сирдарё вилоятининг Гулистон шаҳрида йўлдан ўтаётган 55 ёшли аёл юк поезди уриб юбориши оқибатида ҳалок бўлди. Вилоят прокуратураси «Сирдарё хабарлари»га бу хабарни тасдиқлаган.
Маълум қилинишича, воқеа 4 июль куни соат 12:20 ларда Гулистон—Оқолтин темир йўл бекатлари оралиғи, 3484-километри 1-пикетида юз берган. Юк поезди Гулистон шаҳар 3-мавзедан «Баҳор» маҳалласига ўтиш жойида бўлган пиёдалар йўлагидан ўтаётган Гулистон шаҳрида яшовчи 55 ёшли аёл М.Д.ни уриб юборган.
Оқибатда аёл олган тан жароҳати оқибатида воқеа жойида ҳалок бўлган.
Ҳозирда Ховос транспорт прокуратураси томонидан терговга қадар текширув ҳаракатлари олиб борилмоқда.
Аввалроқ Сирдарё вилоятининг Ховос туманида Ховос—Тошкент йўналишидаги йўловчи электропоезди 22 ёшли аёлни ўзининг эҳтиётсизлиги оқибатида уриб юборгани ҳақида хабар берилган эди. Аёл олган тан жароҳатлари оқибатида воқеа жойида ҳалок бўлганди.
Изоҳ (0)