Қашқадарёдаги заводда ёнғин чиққани ва унда 5 киши жароҳат олиб, бир нафар шахс вафот этгани ҳақида хабар берилганди. Фавқулодда вазиятлар вазирлиги ҳолат бўйича маълумот берди.
Қайд этилишича, 1 июль куни соат 13:05 да Қашқадарё вилояти Ғузор тумани «Қоракўл» МФЙ жойлашган «Шўртан нефть ва газ қазиб чиқариш» бошқармасига қарашли пропан-бутан аралашмасини олиш цехида ёнғин содир бўлган.
Ҳолат юзасидан вилоят Фавқулодда вазиятлар бошқармаси ҳамда «Шўртаннефтгаз» МЧЖ, «Шўртангазкимё» мажмуасининг 10 та ёнғин қутқарув экипажи зудлик билан воқеа жойига етиб борган.
Қутқарувчилар томонидан олиб борилган тезкор ҳаракатлар натижасида ёнғин тўлиқ бартараф этилган. Аммо ушбу ҳодиса оқибатида корхонада фаолият юритган бир нафар фуқаро вафот этган. Шунингдек, цехнинг 2 нафар ишчи-ходими енгил тан жароҳати олиб, уларга амбулатор тиббий ёрдами кўрсатилган ҳамда уйига жавоб берилган.
Ҳозирда ёнғин сабаби ва моддий зарари аниқланмоқда.
Изоҳ (0)