Ўзбекистонда коронавируснинг «ҳиндча» штамми аниқланди. Бу ҳақда Инновацион ривожланиш вазирлиги «Дарё»га маълум қилди.
Ҳозирча янги штамм мамлакат ҳудудида қайси куни аниқлангани тўғрисида қўшимча маълумотлар йўқ. Соғлиқни сақлаш вазирлиги матбуот хизмати эса ҳозирча бунга изоҳ бермаган.
Эслатиб ўтамиз, 2021 йил 30 январь куни коронавируснинг «британча» штамми Ўзбекистонга кириб келгани маълум бўлганди. У 23 январь куни Дубайдан қайтиб келган 10 ёшли қизчада аниқланган. ССВ эса коронавируснинг янги штамми аниқланган қизча ҳақида нима учун 1 ҳафтадан кейин эълон қилинганига изоҳ берганди. 17 апрель куни бош вазир Абдулла Арипов бошчилигида коронавирусга қарши кураш комиссиясининг кенгайтирилган йиғилишида Ўзбекистонга коронавируснинг «африкача» штамми кириб келгани айтилганди.
Аввалроқ Жаҳон соғлиқни сақлаш ташкилоти бош илмий ходими Сумия Сваминатан коронавируснинг биринчи марта Ҳиндистонда аниқланган дельта варианти бутун дунёда устунликка эришётганини маълум қилганди.
Изоҳ (0)