O‘zbekistonda koronavirusning “hindcha” shtammi aniqlandi. Bu haqda Innovatsion rivojlanish vazirligi “Daryo”ga ma’lum qildi.
Hozircha yangi shtamm mamlakat hududida qaysi kuni aniqlangani to‘g‘risida qo‘shimcha ma’lumotlar yo‘q. Sog‘liqni saqlash vazirligi matbuot xizmati esa hozircha bunga izoh bermagan.
Eslatib o‘tamiz, 2021-yil 30-yanvar kuni koronavirusning “britancha” shtammi O‘zbekistonga kirib kelgani ma’lum bo‘lgandi. U 23-yanvar kuni Dubaydan qaytib kelgan 10 yoshli qizchada aniqlangan. SSV esa koronavirusning yangi shtammi aniqlangan qizcha haqida nima uchun 1 haftadan keyin e’lon qilinganiga izoh bergandi. 17-aprel kuni bosh vazir Abdulla Aripov boshchiligida koronavirusga qarshi kurash komissiyasining kengaytirilgan yig‘ilishida O‘zbekistonga koronavirusning “afrikacha” shtammi kirib kelgani aytilgandi.
Avvalroq Jahon sog‘liqni saqlash tashkiloti bosh ilmiy xodimi Sumiya Svaminatan koronavirusning birinchi marta Hindistonda aniqlangan delta varianti butun dunyoda ustunlikka erishyotganini ma’lum qilgandi.
Izoh (0)